संधीकाली या अशा,Sandhikali Ya Asha

संधीकाली या अशा, धुंदल्या दिशा दिशा, चांद येइ अंबरी
चांदराती रम्य या, संगती सखी प्रिया, प्रीत होइ बावरी

मुग्ध तू नि मुग्ध मी, अबोल गोड संभ्रमी, एकरूप संगमी
रातराणीच्यामुळे, श्वास धुंद परिमळे, फुलत प्रीतिची फुले
प्रणयगीत हे असे, कानि ऐकू येतसे, गीती शब्द ना जरी

सांजरंगी रंगुनी, न कळताच दंगुनी, हृदयतार छेडुनी
युगुलगीत गाउनी, एकरूप हो‍उनी, देउ प्रीत दावुनी
प्रणयचित्र हे दिसे, रंगसंगती ठसे, कुंचला नसे जरी