वाजवि मुरली श्यामसुंदरा,Vajavi Murali Shyam

वाजवि मुरली श्यामसुंदरा
तुझ्या मंदिरी नाचे मीरा !

करि करताळा, पायी घुंगुर
जन्म तुडविते हा क्षणभंगुर
देह नव्हे हा मोरपिसारा !

कसले कलियुग ?- मी द्वापारी
गोपवधू मी, तू कंसारी
कालिंदीचा रम्य किनारा !

गोपिनाथ तू, मी तर गोपी
पुण्यशील तुज, जगास पापी
आले आले मी अभिसारा !

मिठीत मिटले विश्व मुकुंदा
मी आपणिले ब्रम्हानंदा
तू मी दोघे- अमृतधारा !

No comments:

Post a Comment