सख्या हो आज मला सावरा,Sakhya Ho Aaj Mala Savara

मर्जी तुमची मी सांभाळीन, हृदयी द्या आसरा
सख्या हो, आज मला सावरा !

स्वप्नांचा हा मंचक सजला
धुंद सुगंधी होऊन भिजला
राहू कशी मी दूर साजणा
जवळी घ्या ना जरा
सख्या हो, आज मला सावरा !

हळू जरासा घाला विळखा
जीव होऊ दे हलका हलका
गोड गुलाबी उठता काटा
मोहरले दिलवरा
सख्या हो, आज मला सावरा !

चालू कशी मी बोलू कशी
मनातले मन खोलू कशी
मुकी असूनही गाते गाणे
माझ्या गुलमोहरा
सख्या हो, आज मला सावरा !

No comments:

Post a Comment