राहिले रे अजून श्वास किती
जीवना, ही तुझी मिजास किती
आजची रात्र खिन्न ताऱ्यांची
आजचा चंद्रही उदास किती
मी कसे शब्द थोपवू माझे ?
हिंडती सूर आसपास किती
दु:ख माझे... विरंगुळा त्यांचा
मी करावे खुळे कयास किती
ओळखीचे कुणीतरी गेले...
ओळखीचा इथे सुवास किती
हे कसे प्रेम? या कशा आशा ?
मी जपावे अजून भास किती ?
सोबतीला जरी तुझी छाया...
मी करू पांगळा प्रवास किती ?
जीवना, ही तुझी मिजास किती
आजची रात्र खिन्न ताऱ्यांची
आजचा चंद्रही उदास किती
मी कसे शब्द थोपवू माझे ?
हिंडती सूर आसपास किती
दु:ख माझे... विरंगुळा त्यांचा
मी करावे खुळे कयास किती
ओळखीचे कुणीतरी गेले...
ओळखीचा इथे सुवास किती
हे कसे प्रेम? या कशा आशा ?
मी जपावे अजून भास किती ?
सोबतीला जरी तुझी छाया...
मी करू पांगळा प्रवास किती ?
No comments:
Post a Comment