भरजरी ग पितांबर,Bharajari Ga Pitambar

भरजरी ग, पितांबर, दिला फाडुन
द्रौपदिसी बंधु शोभे नारायण

सुभद्रा कृष्णाच्या पाठीची बहिण
विचाराया गेले नारद म्हणून
बोट श्रीहरिचे कापले ग बाई
बांधायाला चिंधी लवकर देई
सुभद्रा बोलली, "शालु नि पैठणी
फाडुन का देऊ चिंधी तुम्हास मी ?"
पाठची बहिण झाली वैरिण !

द्रौपदी बोलली, "हरिची मी कोण ?
परी मला त्याने मानिली बहीण
काळजाचि चिंधी काढून देईन
एवढे तयाचे माझ्यावरी ऋण
वसने देउन प्रभू राखी माझी लाज
चिंधीसाठी आला माझ्या दारी हरी आज !"
त्रैलोक्य मोलाचे वसन दिले फाडून

प्रेमाचे लक्षण भारी विलक्षण
जैसि ज्याची भक्ती तैसा नारायण
रक्ताच्या नात्याने उपजे ना प्रेम
पटलि पाहिजे अंतरीची खुण
धन्य तोचि भाऊ, धन्य ती बहीण
प्रीती जी करिती जगी लाभाविण
चिंधी पाहून हरी झाले प्रसन्न




bhar jari ga pitambar 
dilaa phadoon
draupadiche bandhu 
shobhe naraayan

subhadraa krushnachyaa pathichi bahin
vicharaaya gele narad mhanoon
bot shrihariche 
kapale ga baai
bandhayalaa chindhee
lavkar deyee
subhadraa bolali 
shaaluni paithani
phadun kaa deyee
chindhi tumhaas mee?
paathachi bahin jhali vairin

draupadi bolalee harichi mee kon?
pari mala tyaane manilee bahin
kalajaachi chindhi
kadhuni deyin
yevadhe tayaache
mazyavar vrun
vasane devun prabhu
rakhi majhi laj
chindhisathi ala 
mazyaa daari hari aaj
trailoky molache vasan dile fadun

premache lakshan bhaari vilakshan
jaisi jyaachi bhakti taisaa narayan
raktachyaa natyane 
upaje naa prem
patli paahije
antarichi khoon
dhany tochi bhaau
dhanya ti bahin
priti tee khari 
jee jaagi labhavin
chindhee pahun hari jhahale prasann