प्रभू मी तुझ्या करांतिल,Prabhu Mi Tujhya Karateel

प्रभू मी तुझ्या करांतिल वीणा
आनंदाचे छेड सूर वा अश्रुजलाची करुणा

सात स्वरांच्या जोडुनि तारा

तूच घडविले या आकारा
तुझ्याच केवळ करस्पर्शाने फुलवी तूच तराणा

तुझ्या मनातिल दिव्य सुरावट

कुणि न जाणतो नशिबाचा पट
तव चरणांशी लीन होतसे रंक असो वा राणा

घे मजलाही तुझ्या पदासी

जन्म घालविन हो‍उन दासी
तुझ्याच भजनी समरसताना मुक्ति मिळो या प्राणा