तरुण आहे रात्र अजुनी,Tarun Aahe Ratra Ajuni

तरुण आहे रात्र अजुनी राजसा निजलास का रे?
एवढ्यातच त्या कुशीवर तू असा वळलास का रे?

अजुनही विझल्या न गगनी तारकांच्या दीपमाला;
अजुन मी विझले कुठे रे? हाय ! तू विझलास का रे?

सांग, ह्या कोजागिरीच्या चांदण्याला काय सांगू ?
उमलते अंगांग माझे... आणि तू मिटलास का रे?

बघ तुला पुसतोच आहे पश्चिमेचा गार वारा
रातराणीच्या फुलांचा गंध तू लुटलास का रे?

उसळती हुदयात माझ्या अमृताच्या धुंद लाटा
तू किनाऱ्यासारखा पण कोरडा उरलास का रे?

ओठ अजुनी बंद का रे? श्वास ही मधुमंद का रे?
बोल, शेजेच्या फुलांवर तू असा रुसलास का रे?

1 comment:

  1. วันนี้จะมาแนะนำ ทดลองเล่นสล็อต megagame กับเว็บไซต์เราได้เเล้ววันนี้ที่ MEGA GAME ทุกท่านจะพบ กับเกมสล็อตออนไลน์ รูปแบบใหม่มีมากกว่า 1000 เกมที่เราได้คัดสรรมาให้นักเสี่ยงโชค

    ReplyDelete