श्रीरामाच्या पूजेसाठी आज Shri Ramachya Pujesathi

फुले प्रीतिची आनंदाच्या अश्रूंनी भिजली


श्रीरामाच्या पूजेसाठी आज अयोध्या सजली सजली





गुढ्या पताका तोरण साजे


रूपे घेती अवयव माझे


अभंग नौबत कंठामधुनी दाहि दिशा गाजली





हृदय म्हणू की हे सिंहासन


बसा रघुवरा घेते दर्शन


स्पर्श-सुखाने अवघी काया थरथरली, लाजली





पंचप्राण हे लावुन ज्योती


सर्वांगाने करिन आरती


भक्तिभाव ही टाळमंजिरी, तालावर वाजली




सर्वस्वाच्या नैवेद्याने


एकरूप हो दोन जीवने


तुझ्या कृपेची अमृतवेली, मनोमनी रुजली




No comments:

Post a Comment