मानवतेचे मंदिर माझे, आत लाविल्या ज्ञानज्योती
श्रमिक हो, घ्या इथे विश्रांती !
बंधुत्वाची येथ सावली, अनाथ अमुचे मायमाउली
कधी दिसे का ईश राउळी ? देव ते अंतरात नांदती !
आम्ही लाडके विठुरायाचे, लेणे जरिही दारिद्र्याचे
अभंग ओठी मानवतेचे, मृदुंगी वेदनेस विस्मृती !
दार घराचे सदैव उघडे, भागवताची ध्वजा फडफडे
भावभक्तीचे आम्हा साकडे, पथिक हे परंपरा सांगती !
No comments:
Post a Comment