झटकून टाक जीवा,Jhatakun Tak Jeeva

झटकून टाक जीवा दुबळेपणा मनाचा
फुलला पहा सभोती आनंद जीवनाचा

होईल ताप काही मध्यान्हिच्या उन्हाचा
अविचार सोड असला कोल्लाळ कल्पनांचा
आस्वाद घे सुखाने येत्या नव्या क्षणांचा

पुष्पास वाटते का भय ऊन पावसाचे
आयुष्य त्यास आहे एकाच ना दिसाचे
हसुनी करी परि ते वर्षाव सौरभाचा

का कालचा उद्याला देसी उगा हवाला
द्यावाच वाटतो ना मग जीव दे जिवाला
अव्हेर काय करिसी अनमोल या तनाचा