जय शारदे वागीश्वरी
विधिकन्यके विद्याधरी
ज्योत्स्नेपरी कांती तुझी
मुख रम्य शारद चंद्रमा
उजळे तुझ्या हास्यातुनी
चारी युगांची पौर्णिमा
तुझिया कृपेचे चांदणे
नित वर्षु दे अमुच्या शिरी !
वीणेवरी फिरता तुझी
चतुरा कलामय अंगुली
संगीत जन्मा ये नवे
जडता मतीची भंगली
उन्मेष कल्प तरुवरी
बहरून आल्या मंजिरी !
शास्त्रे तुला वश सर्वही
विद्या, कला वा संस्कृती
स्पर्शामुळे तव देवते
साकारती रुचिराकृती
लावण्य काही आगळे
भरले दिसे विश्वान्तरी !
Thanks a lot. The The Third para of this beautiful stuti is very rarely available on the net.
ReplyDelete