फूलपाखरू झालो रे मी Phoolpakharu Jhalo Re Mi

फूलपाखरू झालो रे मी फूलापाखरू झालो !

फुलाफुलांचे पंख लावुनी बागेमध्ये आलो !



मऊ मऊ माझ्या पंखांची, नक्षी सुंदर रंगांची

धुक्यात फिरता इकडे तिकडे दवबिंदूंनी न्हालो

फूलपाखरू झालो रे मी फूलापाखरू झालो !




फुलाफुलावर बसतो मी खुदकन गाली हसतो मी

डोळे मिटुनी थेंब मधाचे मिटक्या मारीत प्यालो

फूलपाखरू झालो रे मी फूलापाखरू झालो !



नकाच लागू पाठी रे, नका धरु मज हाती रे

कृरपणा हा बघुनी तुमचा मनोमनी भ्यालो

फूलपाखरू झालो रे मी फूलापाखरू झालो !