चंदनाच्या पलंगी शेज मखमली लाल
दोन उशा रेशमी गरम लोकरी शाल
पर झोप नाही आली जागरण झालं काल
रंग महाली उब असून का काटा फुलतोय नवा
ग बाई बाई झोंबतो गारवा !
अंग नाजूक ग मला रुतली उशी
आली जांभई ग निजले बदलून कुशी
खिडकीमधुनी खुणवत होता चवथीचा चांदवा
ग बाई बाई झोंबतो गारवा !
रागारागानं गेले मी कोन्यात ग
चिंब न्हाऊन मी पाहिलं ऐन्यात ग
मनात माझ्या घुमु लागला मदनाचा पारवा
ग बाई बाई झोंबतो गारवा !
आज आला तुम्ही माझी केली कदर
झाली नजरानजर घेते लाजून पदर
खुशाल यावं जवळ घ्यावं धरून हात आडवा
ग बाई बाई झोंबतो गारवा !
No comments:
Post a Comment