एक लाजरा न्‌ साजरा,Ek Lajara N Sajara

एक लाजरा न्‌ साजरा मुखडा, चंद्रावानी खुलला ग
राजा मदन हसतोय कसा कि जीव माझा भुलला ग
ह्या एकांताचा तुला इशारा कळला ग
लाज आडवी येती मला कि जिव माझा भुलला ग
नको रानी नको लाजू, लाजंमदी नको भिजू
हितं नको तितं जाऊ, आडोशाला उबं ऱ्हाऊ
का? ............ बघत्यात !

रेशिम विळखा, घालुन सजना, नका हो कवळुन धरू
लुकलुक डोळं, करुन भोळं, बगतंय फुलपाखरू
कसा मिळवा पुन्हा साजनी मोका असला ग

डोळं रोखुन, थोडं वाकुन, झुकू नका हो फुडं
गटर्गुम गटर्गुम करून कबूतर बघतंय माज्याकडं
लई दिसानं सखे, आज ह्यो धागा जुळला ग

बेजार झाले सोडा सजणा, शिर्शिरि आली अंगा
मधाचा ठेवा लुटता लुटता, बघतोय चावट भुंगा
मनात राणी तुझ्या कशाचा झोका झुलला ग ?