थंड थंड अशी हवा
हवेमधे गंध नवा
हात तुझा हाती हवा, याहुन काही नको !
सांज अशी ही धूसर श्यामल
श्वासांवर दरवळतो परिमल
मनी तुझ्या प्रीतीची चाहूल, याहुन काही नको !
वसंत येथे सदा असावा
फुलांतुनी अनुराग हसावा
कणाकणांतून तोच दिसावा, याहुन काही नको !
ही हिरवी मखमल, हा वारा
ह्या थुईथुई नाचती जलधारा
एक झोपडी हाच निवारा, याहुन काही नको !
Lyrics -Madhusudan Kalelkar मधुसूदन कालेलकर,
Music -Shankarow Kulkarni शंकरराव कुलकर्णी
Singer -Aasha Bhosle आशा भोसले
Movie / Natak / Album -AALIA BHOGASI. आलिया भोगासी