स्वप्नावरी स्वप्न पडे, नीज ना मना
जागेपणी आठविते सारखी तुला !
प्रीतीचे घोष तुझ्या कानि ऐकते
मूर्तीचे चित्र तुझ्या पदरि झाकिते
अंतरिचा भाव कधी तुज न उमगला !
भोळी मी पोर तुला दुरून पुजिते
सांगावे गूज असे रोज योजिते
काय करू साधेना कठीण ती कला !
हळूच तुझ्या छायेशी आज बोलते
शबरीच्या बोरांची शपथ तुला घालते
भिल्लीणिची भक्ती त्या राम समजला !
जागेपणी आठविते सारखी तुला !
प्रीतीचे घोष तुझ्या कानि ऐकते
मूर्तीचे चित्र तुझ्या पदरि झाकिते
अंतरिचा भाव कधी तुज न उमगला !
भोळी मी पोर तुला दुरून पुजिते
सांगावे गूज असे रोज योजिते
काय करू साधेना कठीण ती कला !
हळूच तुझ्या छायेशी आज बोलते
शबरीच्या बोरांची शपथ तुला घालते
भिल्लीणिची भक्ती त्या राम समजला !
No comments:
Post a Comment