शशिकुलभूषण सदया,Shashikulbhushan Sadaya

"शशिकुलभूषण सदया । मत्प्राणेश्वर विजया ।
विनवी ही तव जाया । मान्य कराया ॥

अर्पियली ही काया । तव चरणीं पतिराया ।
ठाउक असुनी हें सखया । त्यजली कां माया ॥

मज दुर्योधनाहातीं । द्याया निश्चय करिती ।
बंधू ते नायकिती । बघतां अंत किती ॥

समयीं नाहीं आलां । देइन मी प्राणाला ।
धाडियलीसे मला । खूण तुम्हांला ॥"

रिपु नेतां भार्येसी । सुचली यात्रा कैसी ।
याहुनि हो‍उनि संन्यासी । न्या मज सेवेसी ।