येणारा दिवस मला हेटाळत हसणारच !
जाणारा दिवस मला जाताना डसणारच !
वरवरच्या बोलण्यात गेली बघ सरून रात
मावळता चंद्र मला नाव तुझे पुसणारच !
देताना हृदय तुला केला मी हा विचार
घेणारा घेणारच ! देणारा फसणारच !
हारूनही लाखवार माझी झाली न हार
मी माझ्या स्वप्नांना फिरफिरून पिसणारच !
माझे घर वाऱ्याचे अन् पायच पाऱ्याचे
मी जगास रस्त्यावर गाताना दिसणारच !
काही भलतेच लोक तेव्हा करतील शोक
तेव्हाही मी त्यांच्या आसवांत नसणारच !
जाणारा दिवस मला जाताना डसणारच !
वरवरच्या बोलण्यात गेली बघ सरून रात
मावळता चंद्र मला नाव तुझे पुसणारच !
देताना हृदय तुला केला मी हा विचार
घेणारा घेणारच ! देणारा फसणारच !
हारूनही लाखवार माझी झाली न हार
मी माझ्या स्वप्नांना फिरफिरून पिसणारच !
माझे घर वाऱ्याचे अन् पायच पाऱ्याचे
मी जगास रस्त्यावर गाताना दिसणारच !
काही भलतेच लोक तेव्हा करतील शोक
तेव्हाही मी त्यांच्या आसवांत नसणारच !
No comments:
Post a Comment