ती रात्र कुसुंबी बहराची,Ti Ratra Kusumbi Baharachi

ती रात्र कुसुंबी बहराची
स्पर्शाच्या गहिऱ्या जहराची

ती डोळे जडवुन मला म्हणाली, "राया,
वय ऐन्यातील हे नका घालवू वाया"
त्या नजरबंदिच्या कहराची
ती रात्र कुसुंबी बहराची

घातली लाडकी हळुच खुणेची शीळ
चांदण्यात भिजला गालावरचा तीळ
अशि मदन झोकल्या प्रहराची
ती रात्र कुसुंबी बहराची

काळीज बुडवुनी जाय मधाची वाट
हातात जडवुनी हात शोधिली वाट
स्वप्नांच्या धूसर शहराची
ती रात्र कुसुंबी बहराची