झडल्या भेरी झडतो,Jhadalya Bheri Jhadato

झडल्या भेरी झडतो डंका
पुढचे पाऊल पुढेच टाका

तोंड लागले आज लढ्याला
चहुबाजूंनी येईल घाला

छातीवरती शस्त्रे झेला
फिरू नका रे डरू नका रे, डरू नका

शपथ तुम्हाला शिवरायाची
मराठमोळ्या मर्दुमकीची
समर्थ गुरु केसरी टिळकांची
विजयाच्या या ऐका हाका, ऐका हाका

निशाण अपुले उंच धरा

शूरपणाची शर्थ करा
कराच किंवा रणी मरा
बहाद्दरांनो मरणा जिंका, मरणा जिंका