उठा राष्ट्रवीर हो,Utha Rashtra Veer Ho

उठा राष्ट्रवीर हो
सुसज्ज व्हा उठा चला, सशस्त्र व्हा उठा चला
उठा राष्ट्रवीर हो

युद्ध आज पेटले, जवान चालले पुढे
मिळुनी सर्व शत्रूला क्षणात चारुया खडे
एकसंघ होऊनी लढू चला, लढू चला
उठा उठा, चला चला

वायुपुत्र होऊनी धरु मुठीत भास्करा
होऊनी अगस्तिही पिऊनी टाकू सागरा
रामकृष्ण होऊ या, समर्थ होऊ या चला
उठा उठा, चला चला

चंद्रगुप्त वीर तो फिरुनी आज आठवू
शूरता शिवाजीची नसानसात साठवू
दिव्य ही परंपरा अखंड चालवू चला
उठा उठा, चला चला

यज्ञकुंड पेटले प्रचंड हे सभोवती
दुष्ट शत्रू मारुनी तयात देऊ आहुती
देवभूमी ही अजिंक्य दाखवू जगा चला
उठा उठा, चला चला

6 comments:

  1. mastch aahe gann....

    ReplyDelete
  2. कवीचे नाव द्यायलाच हवे

    ReplyDelete
  3. गायक कोण आहे?

    ReplyDelete
  4. गायक कोण आहे?

    ReplyDelete
  5. कवी कोण आहे

    ReplyDelete