इथे मिळाली सागर-सरिता, ही प्रितीची एकरूपता
इथे मिळाली !
कमलफुलांचे सुगंध सिंचन, की भ्रमराला गोड निमंत्रण
मिटे पाकळी मीलन घडता, ही प्रितीची एकरूपता
इथे मिळाली !
या धरणीची हाक ऐकली, निळे गगन हे झुकले खाली
क्षितिजावरही प्रेम सांगता, ही प्रितीची एकरूपता
इथे मिळाली !
बांधु अपुले घरकुल चिमणे, तुझियासाठी माझे जगणे
मरणा येईल चिरंजीविता, ही प्रितीची एकरूपता
इथे मिळाली !
No comments:
Post a Comment