अर्धीच रात्र वेडी अर्धी पुरी शहाणी
भोळ्या सदाफुलीची ही रोजची कहाणी
फुलले पुन्हा पुन्हा हा केला गुन्हा जगाचा
ना जाहले कुणाची पत्त्यामधील राणी
येता भरून आले जाता सरून गेले
नाही हिशेब केले येतील शाप कानी
आता न सांध्य तारा करणार रे पहारा
फुलणार नाही आता श्वासात मूढ गाणी
शापू तरी कशाला या बेगडी जगाला
मी कागदी फुलांनी भरतेच फुलदाणी
L - विं. दा. करंदीकर
M - यशवंत देव
S - पद्मजा फेणाणी-जोगळेकर
No comments:
Post a Comment