उसवले धागे कसे USAVALE DHAGE KASE

उसवले धागे कसे कधी सैल झाली गाठ
पावलांना ही कळेना का हरवली वाट

का किनारे फितूर झाले वादळाला ऐनवेळी
कोणत्याही चाहुलीवीण का अशी स्वप्ने बुडाली
मागण्या आधार उरला एक ही ना काठ

सावली म्हटली तरीही भावना असती तिला
सोबतीची आस वेडी का अजून लागे मला
गुंतणे माझे सरेना तू फिरवली पाठ

वाटते आता हवे ते तुझे गंधाळणे
पोळलेल्या या जीवा दे जरासे चांदणे
सोसवेना चालणे हे एकटे उन्हात

Lyrics - गुरु ठाकूर Guru Thakur,
Music - निलेश मोहरीर Nilesh Moharir,
Singer - किर्ती किल्लेदार - मंगेश बोरगावकर Kirti Killedar - Mangesh Borgaonkar,
Movie / Natak / Album -मंगलाष्टक वन्स मोअर (२०१३) Manglashtak Once More