रसिका तुझ्याचसाठी,Rasika Tujhyach Sathi

रसिका तुझ्याचसाठी मी एक गीत गाते
हृदयांत दाटलेली भावांजली वहाते

आले दुरुनी येथे घेऊन सूर कंठी
जणु विठ्ठलाघरी ये दिंडीच वाळवंटी
रसिकांत देव माझा दिनरात मी पहाते

माझी फुले सुरांची मधुबोल गंध देती
आलाप छंद घेता निमिषात धुंद होते
बांधोनि भाग्यपूजा मी भाग्यवंत होते

जनमानसांत देवा दिसशी समोर जेव्हा
हृदयात दाटुनी ये आनंदपूर तेव्हा
शतजन्म हेच राहो अपुले अभंग नाते