जेथें राघव तेथें सीता,Jethe Raghav Tethe Sita

निरोप माझा कसला घेता
जेथें राघव तेथें सीता

ज्या मार्गी हे चरण चालती
त्या मार्गी मी त्यांच्या पुढती
वनवासाची मला न भीति
संगे आपण भाग्य विधाता !

संगें असता नाथा, आपण
प्रासादाहुन प्रसन्न कानन
शिळेस म्हणतिल जन सिंहासन
रघुकुलशेखर वरी बैसतां

वनीं श्वापदें, क्रूर निशाचर

भय न तयांचे मजसी तिळभर
पुढती मागें दोन धनुर्धर
चाप त्यां करीं, पाठिस भाता

ज्या चरणांच्या लाभासाठीं
दडलें होतें धरणीपोटीं
त्या चरणांचा विरह शेवटीं -
काय दिव्य हें मला सांगतां?

कोणासाठीं सदनीं राहूं ?
कां विरहाच्या उन्हांत न्हाऊं ?
कां भरतावर छत्रें पाहूं ?
दास्य करूं का कारण नसतां

कां कैकयि वर मिळवी तिसरा ?
कां अपुल्याही मनी मंथरा ?
कां छळितां मग वृथा अंतरा
एकटीस मज कां हो त्यजितां ?

विजनवास या आहे दैवीं
ठाउक होतें मला शैशवीं
सुखदुःखांकित जन्म मानवी
दुःख सुखावें प्रीति लाभतां

तोडा आपण; मी न तोडितें
शत जन्मांचें अपुलें नातें
वनवासासी मीही येतों

जाया-पति कां दोन मानितां ?

पतीच छाया, पतीच भूषण
पतिचरणांचें अखंड पूजन
हें आर्यांचें नारीजीवन
अंतराय कां त्यांत आणितां ?

मूक राहतां कां हो आतां ?
कितिदा ठेवूं चरणीं माथा ?

असेन चुकलें कुठें बोलतां
क्षमा करावी जानकिनाथा

16 comments:

  1. wow that sound great I think it very wonderful .blog is very great and useful.
    BETUFA
    ยูฟ่าเบท

    ReplyDelete
  2. This is my first visit to your web We are a group of volunteers and new activities in the same specialty. Website gave us helpful data to work. สมัครufabetขั้นต่ำ10บาทฝากไว1วิ

    ReplyDelete
  3. "Good day! This post couldn’t be written any better!
    Thank you for sharing! เว็บตรงJokergaming,

    ReplyDelete